23 أبريل, 2010
سوالف غييير*
مرسلة بواسطة وجـدان في 12:18 ص
السلام عليكم ورحمة الله وبركاته ..
الييوم البوست هذا غييييير ..
بسولف فيه و افضفض ؛)
السنة هذي الحمدلله من أولها أفراح علينا -ماشالله- الله يتمم يارب ,
سنة جميلة بإذن الله ،،
بهالسنة أحسني اكتسبت عادات جميلة لكن بالمقابل تخليت عن كثير أشياء
كانت تميزني بين كل أقراني ...
أحسني بحاااااجة شدددديدة اني اردها ..
*التواصل مع الكل ..
*القراءه ...
*العطاء ..
*الموده .. إلخ
"التواصل ، كنت كل شهر تقريباً متصله على أغلب الغالين
وهالشي اهما فاقدينه اشكثر تلقيت اتصالات مسجات وسيل عارم من (التشرهه)
(التشرهه لغير الناطقين بالكويتيه = العتاب) حددي حسيت ان كنت اسوي شي حلو و مهم
بس ماكنت حاسه بقيمته :( ..
انصحكم تجربون هالامر أول شي بتستحون بعدين عادي بيمشي الوضع و دايما تحسين
انج مع الكل والكل يحس انج معاه أضعف الايمان مسج بسيط "
حددي ابتعدت عن العالم كلياً صرت جامعه +دراسه+ بيت
ودي انفض الغباار وأبدئ من جديد وارجع اوركيد القديمه ...
سبحان الله الواحد كل ماكبر كل مازادت مشاغله !
غير المشاغل ، الكسل مشكله عظيمه ..
لوول اللي يضحك ان الدراسه ماخذتني مع العالم ومع ذلك أنا ما أدرس @_@
شلون تصير مادري ..
صج على طاري الدراسه .. تعلمت شي مهم جداً ...
"إني أقددددس الغداااء العاااائلي "
تقريباً صارلي سنتين دوامي مايخلص إلا العصر
فحدي فقدت هالشي .. "مانحس بالشي الا لما نفقده"
أبي انتقل لجانب ثاني ..
قبل جم يوم اتصلت وحده على تلفون البيت من اهلنا ..
المهم لما كلمتها ..
صج المكالمه ماتعدت دقايق بس حدها كانت جميلة ..
تدرون ليش؟؟؟
لأن حدها كانت متفاعله معاي ...
أوركيييييد ياهلالالا و غلااااااااااااااا ياقلبي قلبج
شخبارج حبيبتي
ياااااالبييييه ووووو
صج الكلمات ممكن تحسونها عاديه بس كانت من قلبها لوول كانت أشبه
انها تصارخ واهي تقولهم ..
حدي حبيت حركتها .. بس ماطبقتها للأسف :(
لووول اليوم اتصل علي خالي و من زمان مو متصل ..
المهم وانا اكلمه هلا والله عااش من سمع هالصوت عساك بخيير وو
بس كنت اقولها بطريقة أقرب للهادية ....
ههههههههههه الصدمه لما قال شنو لايكون نايمه ؟
هههههههههههههه حددددي تفشلت حسيت نبرة صووتي حدها بارده كانت
صراحةً دايم يتهموني اني ما اتفاعل "يبوني اصرخ و اناقز واتحمس" مفروض
اني اسوي هالأمر علشان اكون اقرب لهم "أوعد اني أحاول أسوي هالشي،فهوو حده
يأثر في النفس"
شسمه تدرون ان عليّ 3 امتحانات
السبت و الاثنين والاربعاء ومادرست ولا واحد منهم @_@
و تدرون أن عليّ هوم وركات ماسلمتهم
وبحثين ما سويتهم @_@
وملف للقروب ما سويته
هذا دراسياً .... أما حياتياً ومشروعياً
عندي 3مشاريع من زمان مشتغله عليهم وخلصتهم بس باقي المهمه الأخيره ويكملون الحمدلله
و مشروعين مع قروبات
و بس مشكورين على حسن القراءة ... ارتحت وانا اكتب على الاقل عرفت شنو علي و ما علي !
*اعجبتكم فكرة السوالف ؟؟
الاشتراك في:
تعليقات الرسالة (Atom)
11 التعليقات:
اهلاً اهلاً اوركيدتنا :)
لوول بوست ممتع
ومن الطراز النسائي السوالفي -> فجوا الشفره :p
تعرفين تعليقي ,
رائعه دوماً مااشاء الله
^^
دمتي لي
و عليكم و السلام و رحمة الله و بركاته ،
حلو ان الإنسان يراجع نفسه و يشوف شنو التغيرات اللي صارت بحياته و شنو ايجابياته و يحاول يطورها و سلبياته و يحاول يتخلص منها ..
الله يوفقج يارب و تحققين كل اللي تبينه ^^
أفنان
وعليكم السلام ورحمة الله وبركاته
موضوعك رائع وفضفضه مريحه وهادفه .. جميل ان تراجعي وتتحدثي عن مايجول بخاطرك وتواجهاتك وميولك وافاق مستقبلك وتغيير انماط الحياه وتصحيح الاخطاء والتعلم من حياتنا وكل مامر علينا والسعي لتحقيق ذاتنافي ظل طاعة الله ورسوله ..
تمنياتي لكي غاليتي بالتوفيق والنجاح
وحياة سعيدة يارب
حلو التواصل لما يكون متبادل ..
وموفقه يارب بدراستج وحياتج..
والله يتتم هالسنه عليج ان شاءالله بكل خير..
اوركيده كيف حالك ..
بالنسبه للمشروع
د . ابو الشامات يقول اول خطوه في تحقيق الهدف هو رسم نقطة النهايه
اعجبتني فكرتة (خريطة حياتك)
موقعك بالمستقبل ( مدعمه بصورتك مدير او لابس لابكوت الاطباء ونحوه ...)
و موقعك الحالي...اضافه الى الاستراحات ما بين الموقعين ...
وفقك الله اختي اوركيدا
هلا والله أوركيدتي..
أكيييد حبينا فكرة السوالف...
أكثر شي لفت انتباهي قضية (النبرة)
فعلاً أحياناً يجيك أحد كلامه عسل...بس مااش ماتحسينه من قلب..
وأحيانا كلام بسيط بس يترررك أثررر..
لأنه من قللللب..
كثري السوالف هنيا *_^
*هموس
شكراً لمروركم الكريم .. ؛)
أسعدتموني وأنرتم متصفحي ..
كل شي منج حلو كثري من السوالف علشان نعرف اخبارج
و ترى الخالدية زعلانه عليج
على العموم بالصيفي لازم نرتب مواعيد شوفتج
و فكرة الاتصال هاذي حلو زيون كله تسويها علشان جذي الناس ما يقدرون يستغنون عنها و يطيرون لمن يشوفونها
و صرخي شوي لأني و لا مرة شفتج تصرخين بس تشيشين على الخفيف
تهقين يحتسب لج التشيش بديل عن الصراخ
ههههههههه
أشتقنالج و اشتقنا لبرودج الحيوي*_^
أهلييييييييين بحبية قلبي ,,
ويينج يبه عنا ؟ اشتقت لج :)
اييي حده بالصيفي لازم ارتب معاكم ، اشتقت للمتكم الحلوة ق1 ..
ههههههههه اييي والله تصدقين صارلي جم يوم أفكر أنا الغريبه ولا الناس؟ اشمعنى أنا ما اعصب بسرعه واذا عصبت ما اصرخ بس تتغير حدةالصوت ؟ >> سؤال محير لوووووول
ههههههههههههههه أهم شي التشيش تعرفين العرج دساس وانا اختج ؛*
تشتاااق لج العااافية -- خلييك دوم قريبة :)
ما أجمل ذاك البرود !!
إنه سمة تميّز عبقريّة الإنسان ؛) ..
أنا ضد تغيير هذا العنصر الأساسي =)
ليس على كل حين هو مميز يايمنى ؛) ..
أسعدني مرورك بشدة :)
إرسال تعليق
أتشرف بما يخطة "كيبوردكم" :) ..